EgyptAir ավիաընկերության ինքնաթիռն առևանգած Սեյիֆ Էլդին Մուստաֆան ազատագրել է բոլոր ձերբակալվածներին և հանձնվել ոստիկաններին: korrespondent.net-ի փոխանցմամբ` այդ մասին հայտարարել է Կիպրոսի Ներքին գործերի նախարարությունը:
Ուղևորները և ինքնաթիռի անձնակազմը օդանավը լքել են մի քաի էտապով: Նրանցից մեկը օդաչուների խցիկով է փախել: ԶԼՄ-ները փոխանցել են Մուստաֆայի մի քանի պահանջները, մասնավորապես, նա պահանջել է քաղաքական ապաստան, իր նախկին կնոջը նամակի փոխանցում և եգիպտական բանտերից կանանց ազատում:
Հիշեցնենք, որ Airbus A320-ը պետք է թռչեր Ալեքսանդրիայից Կահիրե, սակայն թռիչքից հետո տղամարդը սպառնալով պայթեցնել իրեն պահանջել էր թռչել Լառնակա:
Ժամանելուն պես Մուսատաֆան բաց էր թողել ինքնաթիռում գտնվողների մեծ մասին, իր մոտ պահելով միայն անձնակազմին և չորս ուղևորների: