Եվրահանձնաժողովը հավանության է արժանացրել Թուրքիայի քաղաքացիների համար մուտքի արտոնագրի վերացումը
04-05-2016 18:13:00 | Թուրքիա | Միջազգային
Եվրահանձնաժողովը հավանության է արժանացրել Թուրքիայի քաղաքացիներին շենգենյան գոտու երկրներում առանց վիզա մուտք գործելու ծրագրին, սակայն որոշակի պայմաններով: Interfax.ru-ի փոխանցմամբ` Եվրահնաձնաժողովի անդամն իր թվիթերյան էջում գրել է.
«Եվրահանձնաժողովն այսօր հանդես է եկել առաջարկությամբ, այն է` վերացնել Թուրքիայի քաղաքացիների մուտքի արտոնագիր ունենալու պահանջը»:
Նշվում է, որ փոխարենը Անկարայից պահանջվում է շտապ կատարել ԵՄ-ի կողմից սահմանված պայմանները:
Ավելի վաղ, Եվրահանձնաժողովում հայտարարել էին, որ Թուրքիային առայժմ չի հաջողվում իրականացնել բոլոր 72 պահանջները, որոնք անհրաժեշտ են ԵՄ երկրներում մուտքի արտոնագրի վերացման համար:
Տեղեկացվում է, որ մարտի 18-ին Եվրահանձնաժողովը Թուրքիայի հետ պայմանավորվածություն էր ձեռք բերել մերձավորարևելյան փախստականներին Թուրքիա վտարելու մասին: Իր հերթին Անկարան միջոցներ է ստացել միգրանտներին իր տարածքում տեղավորելու համար: