Ցանկացած պահի կարող է միջուկային պատերազմ սկսվել․ Հյուսիսային Կորեա

18-04-2017 14:50:36 | | Քաղաքական

ՄԱԿ-ում Հյուսիսային Կորեայի մշտական ներկայացուցչի տեղակալ Կիմ Ին Ռենը մեղադրել է ԱՄՆ-ին վտանգավոր պայմաններ ստեղծելու մեջ։ korrespondent.net-ի փոխանցմամբ՝ նա կարծիք է հայտնել, որ ցանկացած պահի կարող է միջուկային պատերազմ սկսվել։

Կին Ին Ռենը ԱՄՆ-ի և Հարավային Կորեայի զորավարժությունները բնութագրել է որպես ամենախոշորը և ագրեսիվը, ինչպես նաև հայտարարել, որ իր երկիրը պատրաստ է արձագանքել պատերազմի ցանկացած ռեժիմի։

Սրան ի պատասխան՝ ԱՄՆ-ի փոխնախագահ Մայք Պենսը հայտարարել է, որ Սպիտակ տունն աշխատելու է իր աջակիցների հետ Կորեական թերակղզու ճգնաժամը լուծելու համար։

Նշվում է, որ ավելի վաղ հաղորդվել էր, որ Պենտագոնի ղեկավար Ջեյմս Մեթիսը հանձնարարել էր ԱՄՆ-ի միջուկային ներուժի գնահատում իրականացնել։

Նոյյան տապան - Քաղաքական