Սոչիում հայաստանցի արտիստները ելույթ կունենան բարեգործական
երեկույթում
16-12-2009 16:00:00 | Ռուսաստան | Մշակույթ
ՍՈՉԻ, 16 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Դեկտեմբերի 21-ին առողջարանային քաղաքի Ձմեռային թատրոնում կկայանա
«Բարության կամուրջ` Սոչի-Երեւան» բարեգործական միջոցառումը:
Երեկույթին կմասնակցեն Սոչիի քաղաքային սիմֆոնիկ նվագախումբը եւ
«Հայաստանի նոր անուններ» (Երեւան) ծրագրի պատանի մասնակիցները:
Այս մասին հաղորդում է analitika.at.ua-ն վկայակոչելով
առողջարան-քաղաքի մշակույթի վարչության մամլո ծառայությունը:
«Յուրաքանչյուրը, որ գնել է «Բարության կամուրջ` Սոչի-Երեւան»
բարեգործական երեկոյի տոմս, իր ավանդը կմուծի Ամանորի շեմին սոչեցի
երեխաների համար տոն կազմակերպելու գործում»,- նշել են մամլո
ծառայությունում:
Բարեգործական միջոցառումը անցկացվում է Սոչիի վարչակազմի
հովանավորությամբ եւ Երեւանի քաղաքապետարանի եւ Հայաստանի
Հանրապետության առողջապահության նախարարության աջակցությամբ: