Հայաստանում օլիմպիական մարզաձեւերի զարգացման նպատակով
«ՎիվաՍել-ՄՏՍ»-ը 2009թ.-ին կհատկացնի 100 մլն դրամ
03-03-2009 17:36:00 | Հայաստան | Սպորտ
ԵՐԵՎԱՆ, 3 ՄԱՐՏԻ, ՆՈՅՅԱՆ ՏԱՊԱՆ: Մարտի 3-ին Հայաստանի ազգային
օլիմպիական կոմիտեի նախագահ Գագիկ Ծառուկյանը եւ Հայաստանի բջջային
առաջատար օպերատոր «Վիվասել ՄՏՍ»-ի գլխավոր տնօրեն Ռալֆ Յիրիկյանը
ստորագրեցին երկկողմ պայմանագիր, որի համաձայն Հայաստանում
օլիմպիական մարզաձեւերը զարգացնելու նպատակով «Վիվասել ՄՏՍ»-ը
2009թ.-ին ՀԱՕԿ-ին կհատկացնի 100 մլն դրամ: Համագործակցության
շնորհիվ Հայաստանի մարզիկները ավելի շատ մասնակցություն կունենան
միջազգային մրցումներին եւ վարկանիշային մրցաշարերին:
Պաշտոնական արարողությունից հետո Գ.Ծառուկյանն ու Ռ.Յիրիկյանը
պատասխանեցին լրագրողների հարցերին:
Գ.Ծառուկյանը նաեւ 5 մարզաձեւերի (ուշու, աթլետիկա, սամբո,
ծանրամարտ, բռնցքամարտ) 13 ներկայացուցիչների հանձնեց ՀՀ
միջազգային կարգի սպորտի վարպետի կոչումը հաստատող համապատասխան
վկայականներ: