ԵՐԵՎԱՆ, 1 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Հայաստանի ոչ պարենային ապրանքների շուկայում 2008թ.-ի նոյեմբերին հոկտեմբերի համեմատ գրանցված 1,7% գնանկման վրա իր անմիջական ազդեցությունն է թողել բենզինի եւ դիզելային վառելիքի, համապատասխանաբար, 11,9% եւ 11,7% գնանկումը: ՀՀ Ազգային վիճակագրական ծառայության տվյալներով, 2008թ.-ի նոյեմբերին հոկտեմբերի համեմատ հանրապետությունում գրանցվել է կենցաղային էլեկտրաապրանքների, կահույքի, լվացող միջոցների, մշակույթի ապրանքների 0,6-0,1% գնանկում: Դրան զուգընթաց, վառելիքի, խոհանոցային սպասքի, գեղահարդարման ապրանքների, շինանյութերի, գրենական պիտույքների, անձնապիտո, ոսկերչական ապրանքների, կոշկեղենի, հագուստի եւ գործվածքի գներն աճել են 0,1-1,6%-ով: Դիտարկվող մյուս ապրանքախմբերում գների մակարդակը նախորդ ամսվա համեմատ մնացել է անփոփոխ:

---