ՄԵԽԻԿՈ, 23 ՓԵՏՐՎԱՐԻ, ՆՈՅՅԱՆ ՏԱՊԱՆ: Դեպի ԱՄՆ «ուղեղների արտահոսքով» Մեքսիկան երկրորդ տեղն է զբաղեցրել աշխարհում Հնդկաստանից հետո: Այս մասին, ինչպես հաղորդում է «Նովոստի» գործակալությունը, ասվում է Մեքսիկայի Հյուսիսային Ամերիկայի ուսումնասիրության գիտահետազոտական կենտրոնի զեկույցում: Ըստ ուսումնասիրության տվյալների, Միացյալ Նահանգներում աշխատում են 500 հազարից ավելի մեքսիկացի գիտնականներ: Առաջին տեղում Հնդկաստանն է` ավելի քան 600 հազար գիտնական: Մեքսիկային հաջորդում են Ֆիլիպինները, Չինաստանը, Կանադան, Գերմանիան եւ Մեծ Բրիտանիան: Զեկույցում նշվում է, որ Լատինական Ամերիկայից գաղթածները, չնայած համաշխարհային տնտեսական ճգնաժամին, հաջողությամբ շարունակում են աշխատել եւ չեն պատրաստվում իրենց երկրները վերադառնալ:

---