Ադրբեջանը կրակ է բացել Երասխում կառուցվող մետալուրգիական գործարանի ուղղությամբ
20-06-2023 18:49:16 | Հայաստան | Մամլո հաղորդագրություն
Հունիսի 20-ին՝ ժամը 16:30-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրակ են բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ:
Այս մասին հայտնում են ՊՆ-ից:
Նշենք, որ Երասխ գյուղում կառուցվող երկաթի ձուլման գործարանի տարածքում այսօր՝ հունիսի 20-ին, բարձրացվել են Հայաստանի և Ամերիկայի Միացյալ Նահանգների դրոշները:
Հիշեցնենք՝ հունիսի 20-ին՝ ժամը 00:20-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրակ էին բացել Կախակնի հատվածում տեղակայված հայկական դիրքերի ուղղությամբ:
Հունիսի 20-ին՝ ժամը 15:50-ին, Ադրբեջանի ԶՈՒ ստորաբաժանումները կրակ են բացել Ներքին Հանդի և Սրաշենի հատվածում տեղակայված հայկական դիրքերի ուղղությամբ: