Քիչ, բայց հավանականություն կա. Ալեն Սիմոնյանը` Ադրբեջանի հետ պայմանագիր ստորագրելու մասին

16-11-2023 12:24:35 | Հայաստան | Ի՞նչ է գրում մամուլը

Sputnik. Ալեն Սիմոնյանի խոսքով` խաղաղության պայմանագիրը միջազգային ինչ հարթակում էլ ստորագրվի, պետք է հնարավորինս ռեալ ու պինդ լինի։

Հավանականություն կա, որ Հայաստանի ու Ադրբեջանի միջև խաղաղության պայմանագիրը կստորագրվի մինչև տարվա վերջ։

Այսօր խորհրդարանում պատասխանելով լրագրողների հարցերին` այս հայտարարությունն արեց ՀՀ ԱԺ նախագահ Ալեն Սիմոնյանը։

«Քիչ է այդ հավանականությունը, բայց կա։ Ցանկության դեպքում կարող է մինչև այս տարվա վերջ ստորագրվել»,– ասաց նա։

Լրագրողի ճշտող հարցին, թե ում հովհանու ներքո դա կարվի (Ռուսաստանի՞, թե՞ Արևմուտքի. խմբ.), Սիմոնյանն ասաց, որ նման հարց չի քննարկվել։

Ըստ նրա` միջազգային ինչ հարթակում էլ այդ պայմանագիրը ստորագրվի, պետք է հնարավորինս ռեալ ու պինդ լինի։

«Մենք էլ, Ադրբեջանն էլ պետք է հասկանանք, բոլոր այն տեղերում, որտեղ մենք իրար հետ չպայմանավորվեցինք, հայտնվելու է երրորդ կողմ, անկախ նրանից, թե որ մեկը կլինի, ու ներդնելու է այնտեղ իր շահերը»,– ասաց ԱԺ խոսնակը։

Նոյյան տապան - Ի՞նչ է գրում մամուլը

Կարդացել են 696 անգամ

Քիչ, բայց հավանականություն կա. Ալեն Սիմոնյանը` Ադրբեջանի հետ պայմանագիր ստորագրելու մասին

Noyan Tapan TV