ՆՅՈՒ ՅՈՐՔ, 17 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: «Թայմ» հանդեսը ԱՄՆ-ի նորընտիր նախագահ Բարաք Օբամային ճանաչել է «տարվա մարդ»: Այս պատվավոր կոչումը ամեն տարի դեկտեմբերին շնորհվում է, ըստ ամերիկյան ազդեցիկ պարբերականի, համաշխարհային իրադարձությունների վրա առավել խոր ազդեցություն գործած մարդուն կամ մարդկանց խմբին: Դեմոկրատ սենատոր Բարաք Օբաման նոյեմբերին նախագահական ընտրություններում համոզիչ հաղթանակ տարավ իր մրցակից հանրապետական Ջոն Մակքեյնի նկատմամբ: Նա դարձավ առաջին սեւամորթ նախագահը ԱՄՆ-ի ողջ պատմության ընթացքում:

---