ԴԵԼԻ, 16 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Թռչնագրիպի բռնկում է
գրանցվել Հնդկաստանի Արեւմտյան Բենգալիայի նահանգում, տեղեկացնում
են տեղի իշխանությունները: Ինչպես պարզվել է, այդ վտանգավոր
հիվանդությունը վերջին շաբաթվա ընթացքում 5 հազար հավի անկման
պատճառ է դարձել:
Կատարված ուսումնասիրությունները հաստատել են, որ խոսքը
թռչնագրիպի H5N1 վտանգավոր տարատեսակի մասին է, որը կարող է
փոխանցվել մարդուն:
Առաջին անգամ Հնդկաստանում թռչնագրիպի վիրուսը հայտնաբերվել է
2006 թվականին: 2008 թվականի հունվարին այդ հիվանդության պատճառով
Արեւմտյան Բենգալիայի թռչնաֆերմաներում հարկ է եղել ոչնչացնել մոտ
5 մլն հավ եւ բադ: