Միյատովիչը Երևանին և Բաքվին կոչ է արել կենտրոնանալ մարդու իրավունքների պաշտպանության վրա
23-01-2024 15:52:06 | Հայաստան | Ի՞նչ է գրում մամուլը
Հայկական ժամանակ. Եվրոպայի խորհրդի մարդու իրավունքների հանձնակատար Դունյա Միյատովիչը, ԵԽԽՎ-ում ներկայացնելով 2023 թվականի տարեկան զեկույցը, կոչ է արել վճռական և կոլեկտիվ ջանքեր գործադրել մարդու իրավունքները զարգացնելու ուղղությամբ:
«Պահը պահանջում է նոր հավատարմություն այն սկզբունքներին և չափանիշներին, որոնց պաշտպանում է մեր կազմակերպությունը։ Կորցրած դիրքերը վերականգնելու և մարդու իրավունքների գործն առաջ տանելու համար մենք պետք է վճռականությամբ և հավաքական ջանքերով դիմենք իրավիճակին»,- ասել է Միյատովիչը։
Հանձնակատարը Հայաստանի և Ադրբեջանի իշխանություններին կոչ է արել իրենց խաղաղ բանակցություններում կենտրոնանալ մարդու իրավունքների պաշտպանության վրա և հաստատել մարդու իրավունքների ուժեղ երաշխիքներ՝ հակամարտությունից տուժած բոլոր անձանց համար:
ՀԱՅԵՐԵՆ
Русский
English
Դաս. հայերեն
French
