Տասներկու անգամ արագ. Kaspersky Antidrone լուծումը նորացված միջերես ունի

27-02-2024 13:03:30 | Հայաստան | Գիտություն եւ տեխնոլոգիաներ

«Կասպերսկի» ընկերությունը թողարկել է դրոններից պաշտպանվելու իր համակարգի՝ Kaspersky Antidrone-ի միջերեսի նոր տարբերակը: Թարմացմամբ լուծվող հիմնական խնդիրներն են օպերատորների ծանրաբեռնվածության նվազեցումը, ինչպես նաև ԱԹՍ-ների ավելի ճշգրիտ հայտնաբերումը: Լուծման միջերեսը դարձել է ավելի պարզ, և դրա արագությունը 12 անգամ աճել է վիզուալացման տեխնոլոգիաների նոր լրակազմի շնորհիվ:

Ընկերությունը հայտնում է, որ Kaspersky Antidrone-ը ծրագրային ապահովման վրա հիմնված էկոհամակարգ է՝ քաղաքացիական դրոնների մոնիտորինգի և կրիտիկական ենթակառուցվածքների ու քաղաքացիական օբյեկտներում քաղաքացիական դրոնների հետ կապված սպառնալիքների կանխարգելման համար: Լուծումը թույլ է տալիս, չվնասելով անօդաչու թռչող սարքը, կանխել դրա անցանկալի ներթափանցումը տարբեր օբյեկտներ, խոշոր արդյունաբերական ձեռնարկությունների պահպանվող տարածք, զանգվածային միջոցառումների անցկացման վայրեր:

Kaspersky Antidrone-ի նոր եզակի ալգորիթմները, օգտագործելով մեքենայական ուսուցման տեխնոլոգիաները, ավտոմատ կերպով համեմատում են տեղեկատվությունը տարբեր սարքերից՝ ռադարներից, ռադիոհաճախականության պելենգատորներից, դետեկտորներից, օպտիկական, ջերմային պատկերման տեսախցիկներից և օպերատորին հասցնում են արդեն վերլուծված տեղեկատվությունը: Քարտեզի վրա ցուցադրվում են միայն այն իրադարձությունները, որոնք հայտնաբերվում են առնվազն երկու տեսակի սենսորների կողմից: Այսպիսով, համակարգը օգնում է օպերատորին և նվազեցնում նրա ծանրաբեռնվածությունը՝ ավելի շատ ժամանակ թողնելով որոշումներ կայացնելու համար:

Լուծման միջերեսում քարտեզներ գեներացնելու համար օգտագործվում է վիզուալացման տեխնոլոգիաների նոր լրակազմ։

Միջերեսը հեշտությամբ ցուցադրում է մեծ թվով գրաֆիկական տարրեր: Իրական ժամանակում հնարավոր է մեծացնել հայտնաբերված դրոնի տեսանյութը և հասկանալ, թե արդյոք այն որևէ բեռ ունի:

Թարմացված Kaspersky Antidrone-ը թույլ է տալիս զտել իրադարձությունները, որոնք տեղի են ունենում պաշտպանվող օբյեկտի օդային տարածքում: Կարելի է կարգավորել, թե ինչ ցուցադրել միջերեսում և ինչը՝ ոչ (օրինակ՝ հնարավոր է անջատել թռչունների հայտնաբերումը):

Kaspersky Antidrone էկոհամակարգում կողմնակի արտադրողների ապարատային մոդուլների օգտագործումը և դրանք անվտանգության այլ համակարգերի հետ ինտեգրելն ավելի հեշտ է դարձել: Համակարգը կարելի է արդյունավետ և արագ մասշտաբավորել ինչպես խոշոր արդյունաբերական ձեռնարկության, այնպես էլ տարածաշրջանի մակարդակով։

«Այս միջերեսը դրոնների մոնիտորինգի ոլորտում հնարավորինս հավաստի տվյալներ ստանալու հաջորդ քայլն է: Մենք կուտակել ենք դրոնների հայտնաբերման մեծ փորձ և դրա շնորհիվ կարողացել ենք կյանքի կոչել յուրահատուկ ալգորիթմ, որը թույլ է տալիս բարձրացնել լուծման որակը, ինչպես նաև ինտեգրվել խոշոր տեղեկատվական համակարգերին», - մեկնաբանում է Kaspersky Antidrone ուղղության ղեկավար Վլադիմիր Տուրովը:

Kaspersky Antidrone լուծման մասին ավելին կարելի է իմանալ antidrone.kaspersky.com/ru/ հղմամբ։

«Կասպերսկի» ընկերության Հայաստանի ներկայացուցչություն

Նոյյան տապան - Գիտություն եւ տեխնոլոգիաներ