ԵՐԵՎԱՆ, 6 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ՀՀ կառավարության նոյեմբերի 6-ի նիստում վարչապետ Տիգրան Սարգսյանը բոլոր գերատեսչություններին հանձնարարեց համագործակցել գիտական ինստիտուտների հետ եւ ներկայացնել այն նախագծերն ու բիզնես ծրագրերը, որոնցում կարող է ներգրավվել նաեւ մասնավոր հատվածը: Ըստ վարչապետի, իրենց առաքելությունը պետք է լինի գիտության ու մասնավոր հատվածի միջեւ կապ ապահովելը, ներդրումներ կատարելը, ինչպես նաեւ աջակցել, որ այդ ծրագրերը հնարավորինս շուտ իրականացվեն: Տ.Սարգսյանը հիշեցրեց, որ ՀՀ նախագահ Սերժ Սարգսյանն ավելի վաղ հանձնարարել էր նախարարություններին մշակել ներդրումային ծրագրեր, որոնք պետք է պետություն-մասնավոր հատված համագործակցության հայեցակարգի բաղկացուցիչ մաս հանդիսանան:

---