Ռուսաստանը կկենտրոնանա ՀԱՊԿ մարտական ներուժի բարձրացման վրա. ԱԳՆ
13-02-2026 13:08:18 | Հայաստան | Ի՞նչ է գրում մամուլը
Ռուսաստանը, որպես 2026 թվականին Հավաքական անվտանգության պայմանագրի կազմակերպության (ՀԱՊԿ) նախագահող երկիր, մեծ նշանակություն է տալիս կազմակերպության անվտանգության բաղադրիչի զարգացմանը։
Նախատեսվում է շեշտը դնել ՀԱՊԿ-ի հավաքական ուժերի մարտական ներուժի բարձրացման վրա։
«Արմենպրես»-ի փոխանցմամբ՝ այս մասին հայտարարել է Ռուսաստանի արտաքին գործերի փոխնախարար Ալեքսանդր Պանկինը ՀԱՊԿ անդամ պետությունների միջազգային հարաբերությունների, պաշտպանության և անվտանգության հարցերով խորհրդարանական հանձնաժողովների նախագահների նիստում։
«Մենք մեծ նշանակություն ենք տալիս կազմակերպության ուժային բաղադրիչի զարգացմանը։ Մենք մտադիր ենք կենտրոնանալ ՀԱՊԿ-ի հավաքական ուժերի մարտական ներուժի բարձրացման, դրանք ժամանակակից և համատեղելի զենքերով և տեխնիկայով զինելու վրա», - ասել է նա։Պանկինի խոսքով՝ աշխատանքը կկառուցվի ներկա և ապագա մարտահրավերների բնույթին համապատասխան՝ հաշվի առնելով ժամանակակից ռազմական օբյեկտների փորձը։
ՌԴ ԱԳ փոխնախարարը նաև նշել է, որ ՀԱՊԿ-ում իր նախագահության տարում Ռուսաստանը հատուկ ուշադրություն կդարձնի ավիացիոն բաղադրիչների զարգացմանը։
ՀԱՅԵՐԵՆ
Русский
English
Դաս. հայերեն
French
