Ծառուկյանը կրկին կգոտեմարտի RAF-ի կազմում՝ Վրաստանում կայանալիք մրցաշարում
07-06-2026 20:18:22 | | Ի՞նչ է գրում մամուլը
shantnews.am UFC-ի թեթև քաշային կարգի դասակարգման երկրորդ համար, Հայաստանը ներկայացնող Արման Ծառուկյանը ազատ ոճի ըմբշամարտի կանոններով հերթական գոտեմարտը կանցկացնի Ղազախստանի ներկայացուցիչ Քուաթ Խամիտովի հետ։
Այս մասին հայտնում է RAF կազմակերպության մամուլի ծառայությունը։ Դիմակայությունը կկայանա միջին քաշային կարգում՝ Վրաստանի մայրաքաղաք Թբիլիսիում անցկացվելիք RAF-ի մրցաշարի շրջանակներում։
29-ամյա Ծառուկյանը կազմակերպության հովանու ներքո արդեն երեք հաստատված գոտեմարտ ունի առաջիկայում։ Հունիսի 13-ին նա ուժերը կչափի լեգենդար ամերիկացի Թոնի Ֆերգյուսոնի հետ, հուլիսի 11-ին կմրցի Խամիտովի, իսկ հուլիսի 18-ին՝ Քոլբի Քովինգթոնի հետ։ Նշենք, որ մինչ այս Ծառուկյանը շատ հաջող է հանդես եկել RAF-ում՝ անցկացրած 5 գոտեմարտում տոնելով 5 հաղթանակ։
ՀԱՅԵՐԵՆ
Русский
English
Դաս. հայերեն
French
