Որոշել ենք չհրապարակել՝ չենք հրապարակել, կորոշենք հրապարակել՝ կհրապարակենք. Գալյանը՝ Սահմանադրության տեքստի մասին
10-06-2026 13:06:06 | Հայաստան | Ի՞նչ է գրում մամուլը
tert.am. Երեկ քննարկում էինք, թե երբ կյանքի կոչենք մեր հանձնառությունը, որը ստանձնել ենք նաև նախընտրական գործընթացի շրջանակում և երբ հրապարակենք Սահմանադրության տեքստը: Այս մասին ճեպազրույցի ժամանակ ասել է Արդարադատության նախարար Սրբուհի Գալյանը:
Նա նշել է, որ կարծում է՝ առաջիկայում, գործընկերների կողմից ուղարկվելիք կարծիքների հավաքագրումից, ամբողջացումից հետո ևս մեկ կամ երկու քննարկում կունենան, որից հետո կորոշեն՝ պատրա՞ստ են հրապարակելու Սահմանադրության տեքստը, թե՞ ոչ:
«Ես բազմիցս առիթ եմ ունեցել այս մասին խոսելու, ասել եմ՝ տեքստը պատրաստ չէ, որովհետև մեր մի շարք գործընկերներ չեն հասցրել դիտարկումներ ներկայացնել և հրապարակել կամ չհրապարակելը միանձնյա որոշում չէ: Որոշել ենք չհրապարակել՝ չենք հրապարակել, կորոշենք հրապարակել՝ կհրապարակենք»,-հավելել է Սրբուհի Գալյանը:
ՀԱՅԵՐԵՆ
Русский
English
Դաս. հայերեն
French
