«Չենք կարող հանրաքվե անել հարցի շուրջ, որն այս պահին գոյություն չունի»․ Փաշինյան
07-08-2026 12:20 Հայաստան Քաղաքականություն
Ազատություն. Վարչապետ Նիկոլ Փաշինյանը հայտարարել է, որ Հայաստանի համար Եվրասիական տնտեսական միության (ԵԱՏՄ) անդամ երկրների հետ համագործակցության խորացումը շարունակում է մնալ արտաքին քաղաքական և արտաքին տնտեսական առաջնահերթություններից մեկը։
Չոլպոն-Ատայում Եվրասիական միջկառավարական խորհրդի նիստում վարչապետն ասել է, որ այս մոտեցումը կարտացոլվի նաև նոր կառավարության ծրագրում։
Փաշինյանի խոսքով՝ Հայաստանը հավատարիմ է ԵԱՏՄ հիմնարար սկզբունքներին, որոնցից մեկը ապրանքների, ծառայությունների, կապիտալի և աշխատուժի ազատ տեղաշարժն է, սակայն գործնականում այդ սկզբունքները լիարժեք չեն իրականացվում, ինչը խոչընդոտում է բիզնեսի զարգացմանը։
Անդրադառնալով Եվրամիությանն անդամակցելու հարցին՝ վարչապետը նշել է, որ Հայաստանը հասկանում է՝ ԵԱՏՄ-ին և Եվրամիությանը միաժամանակ անդամակցել հնարավոր չէ։ Միևնույն ժամանակ, նրա խոսքով, հայ ժողովրդի առջև այսօր նման ընտրության հարց չի կանգնած, քանի որ Հայաստանը դեռ պատրաստ չէ Եվրամիության անդամակցությանը։
Վարչապետի խոսքով, ՀՀ-ն ի գիտություն է ընդունել ԵԱՏՄ 4 երկրների հայտարարությունը՝ ԵՄ մտնելու հարցով հանրաքվե անցկացնելու վերաբերյալ։ «Չենք կարող հանրաքվե անել հարցի շուրջ, որն այս պահին գոյություն չունի»։
Նրա խոսքով՝ Հայաստանի և Եվրամիության ներկայիս հարաբերություններում չկան իրավական, տնտեսական կամ քաղաքական պարտավորություններ, որոնք կհակասեն Հայաստանի՝ ԵԱՏՄ շրջանակում ստանձնած պարտավորություններին։
ՀԱՅԵՐԵՆ
