ՀՀ սփյուռքի նախարարի տեղակալ Ս.Պետրոսյանն ընդունեց ՄԱԿ-ի
հայաստանյան գրասենյակի ներկայացուցիչներին
04-02-2010 11:30:00 | Հայաստան | Հասարակություն
ԵՐԵՎԱՆ, 4 ՓԵՏՐՎԱՐԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Փետրվարի
3-ին ՀՀ սփյուռքի նախարարի տեղակալ Ստեփան Պետրոսյանը հանդիպում
ունեցավ Միավորված Ազգերի Կազմակերպության (ՄԱԿ) հայաստանյան
գրասենյակի հանրային տեղեկատվության վարչության ներկայացուցիչներ
Մարիա Դոցենկոյի եւ Արմինե Հալաջյանի հետ: Ինչպես հայտնեցին ՀՀ
սփյուռքի նախարարությունից, տեղեկացնելով, որ 2010 թ.
նախարարության կողմից հայտարարվել է որպես «Մայրենի լեզվի տարի»,
փոխնախարարը հյուրերին ներկայացրեց Մայրենիի տարվա շրջանակներում
նախատեսված միջոցառումների ցանկը: Մասնավորապես, քննարկվեց
փետրվարի 21-ին նշվող «Մայրենի լեզվի միջազգային օրվա»
կապակցությամբ ՀՀ սփյուռքի նախարարության կողմից կազմակերպվող
հանդիսությանը ՄԱԿ-ի հայաստանյան գրասենյակի մասնակցության հարցը:
Նշվեց նաեւ, որ ՄԱԿ-ի հայաստանյան գրասենյակը «Մայրենի լեզվի
միջազգային օրվա» շրջանակներում կկազմակերպի կլոր սեղան: