2008 Թ.-Ի ՀՈՒՆՎԱՐ-ԱՊՐԻԼԻՆ ՆԱԽՈՐԴ ՏԱՐՎԱ ՆՈՒՅՆ
ԺԱՄԱՆԱԿԱՀԱՏՎԱԾԻ ՀԱՄԵՄԱՏ ՀԱՅԱՍՏԱՆՈՒՄ ՇԻՆԱՐԱՐՈՒԹՅԱՆ ԾԱՎԱԼԸ
16,8%-ՈՎ ԱՃԵԼ Է
05-06-2008 20:00:00 | Հայաստան | Տնտեսություն
ԵՐԵՎԱՆ, 5 ՀՈՒՆԻՍԻ, ՆՈՅՅԱՆ ՏԱՊԱՆ: 2008թ.-ի հունվար-ապրիլին
Հայաստանում իրականացվել է 71 մլրդ 132,9 մլն դրամի (ավելի քան
230,7 մլն ԱՄՆ դոլար) շինարարություն, այդ թվում` շինարարության
ծավալում շինմոնտաժային աշխատանքները կազմել են 58 մլրդ 9,3 մլն
դրամ: 2007թ.-ի հունվար-ապրիլի համեմատ շինարարության ծավալը,
համադրելի գներով, աճել է 16,8%-ով, իսկ շինմոնտաժային
աշխատանքներինը` 17,6%-ով:
ՀՀ Ազգային վիճակագրական ծառայության տվյալներով,
շինարարության 7,6%-ն իրականացվել է պետբյուջեի, 0,3%-ը`
համայնքների միջոցների, 1,8%-ը Համաշխարհային բանկի, 5,2%-ը`
մարդասիրական օգնության, 56,2%-ը մասնավոր կազմակերպությունների,
եւ 28,9%-ը` բնակչության միջոցների հաշվին: