ՔԻՇՆԵՎՈՒՄ ԿԱՅԱՆԱԼՈՒ Է ԱՊՀ ՀԱԿԱՄԵՆԱՇՆՈՐՀԱՅԻՆ ՔԱՂԱՔԱԿԱՆՈՒԹՅԱՆ
ՄԻՋՊԵՏԱԿԱՆ ԽՈՐՀՐԴԻ 27-ՐԴ ՆԻՍՏԸ
03-06-2008 20:20:00 | Հայաստան | Տնտեսություն
ԵՐԵՎԱՆ, 3 ՀՈՒՆԻՍԻ, ՆՈՅՅԱՆ ՏԱՊԱՆ: ՀՀ Տնտեսական մրցակցության
պաշտպանության պետական հանձնաժողովի նախագահ Աշոտ Շահնազարյանը
հունիսի 3-ին մեկնել է Քիշնեւ` մասնակցելու ԱՊՀ հակամենաշնորհային
քաղաքականության միջպետական խորհրդի 27-րդ նիստին:
Նիստի ընթացքում կքննարկվեն ԱՊՀ անդամ-երկրներում հացահատիկի
շուկայում մրցակցության վիճակի, սպառողների իրավունքների
պաշտպանության նպատակով ԱՊՀ անդամ-երկրների միջեւ կնքված
համաձայնագրի կատարման, հակամենաշնորհային օրենսդրության
խախտումների առնչությամբ համատեղ հետազոտությունների արդյունքների,
նախորդ նիստի ընթացքում ընդունված որոշումների կատարման մասին եւ
այլ հարցեր:
Ըստ հանձնաժողովի հաղորդագրության, Ա.Շահնազարյանը կմասնակցի
նաեւ «Մրցակցային միջավայրը գլոբալիզացիայի պայմաններում»
միջազգային համաժողովին: