ԲԵՆԶԱԼԱՑԱԿԱՅԱՆՆԵՐՈՒՄ ԿՏԵՂԱԴՐՎԵՆ ՀԱՆՐԱՅԻՆ ԶՈՒԳԱՐԱՆՆԵՐ
22-05-2008 17:45:00 | Հայաստան | Տնտեսություն
ԵՐԵՎԱՆ, 22 ՄԱՅԻՍԻ, ՆՈՅՅԱՆ ՏԱՊԱՆ: ՀՀ կառավարության որոշման
համաձայն, Հայաստանում գործող բենզալցակայաններում պետք է
տեղադրվեն հանրային զուգարաններ: Ինչպես մայիսի 22-ին, ՀՀ
կառավարության նիստում հայտնեց Էկոնոմիկայի նախարար Ներսես
Երիցյանը, յուրաքանչյուր զուգարանի տեղադրման համար
բենզալցակայանների տերերը կծախսեն միջին հաշվով մոտ 10 հազար
դոլար: Դրանով իսկ կլուծվեն բնապահպանական որոշ խնդիրներ: Ընդ
որում, մայրաքաղաքի բենզալցակայաններում հանրային զուգարանները
պետք է տեղադրվեն մեկ տարվա ընթացքում, իսկ մարզերում` երեք ամսվա
ընթացքում:
Կառավարության որոշումներով նախատեսվում է փոփոխել են նաեւ
առեւտրի որոշ կանոններ: Ըստ Ն.Երիցյանի, առեւտրի բոլոր վայրերում,
այդ թվում` տոնավաճառներում պետք է տեղադրվեն հսկիչ կշեռքներ: Բացի
այդ, առեւտրի օբյեկտներում վաճառվող հացը պետք է ուղեկցվի գնի եւ
քաշի մակնշումով, ինչի նպատակը սպառողներին կողմնորոշվելու
հնարավորություն տալն է: