ԿՈՒԱԼԱ-ԼՈՒՄՊՈՒՐ, 16 ՀՈՒԼԻՍԻ, ՆՈՅՅԱՆ ՏԱՊԱՆ: Սեփական տնից ոչ
հեռու ոստիկանության հատուկ ստորաբաժանումը ձերբակալել է
մալայզիական ընդդիմության առաջնորդ Անվար Իբրահիմին: Ըստ
Մալայզիայի կառավարության նախկին փոխնախագահի փաստաբանի,
ձերբակալման համար պաշտոնական պատճառներ չեն առաջադրվել:
Ինչպես հաղորդում է BBC-ն, 60-ամյա ընդդիմադիրը պետք է
ներկայանար ոստիկանություն ցուցմունքներ տալու համասեռամոլության
մեղադրանքների առնչությամբ, ինչն այդ երկրում քրեորեն հետապնդվում
է: Սակայն իրավապահ մարմինները որոշել են չսպասել քաղաքական գործչի
ինքնակամ ներկայանալուն: