ՊԱԿԻՍՏԱՆԸ ԹՈՒՅԼԱՏՐԵԼ Է ԱՄՆ-ԻՆ ԱՎԻԱՀԱՐՎԱԾՆԵՐ ՀԱՍՑՆԵԼ ԲԵՆ
ԼԱԴԵՆԻ ԵՆԹԱԴՐՅԱԼ ԹԱՔՍՏՈՑՆԵՐԻՆ
03-07-2008 17:30:00 | ԱՄՆ | Միջազգային
ՎԱՇԻՆԳՏՈՆ, 3 ՀՈՒԼԻՍԻ, ՆՈՅՅԱՆ ՏԱՊԱՆ: Պակիստանի նախագահ
Փերվեզ Մուշարրաֆը ԱՄՆ-ին իրավունք է ընձեռել օդային հարվածներ
հասցնել «Ալ Ղաիդա» ահաբեկչական ցանցի հիմնադիր Ուսամա բեն Լադենի
Պակիստանի տարածքում ենթադրվող թաքստոցներին առանց նախապես դրա
համար ստանալու Իսլամաբադի թույլտվությունը: Այս մասին, ինչպես
հաղորդում է ԻՏԱՌ-ՏԱՍՍ-ը, գրում է «Վաշինգտոն թայմս» թերթը`
վկայակոչելով տեղեկատվության սեփական ամերիկյան պաշտոնական
աղբյուրներ:
Ինչպես գրում է թերթը, Պակիստանի ցեղերի բնակության
գոտիներում գրոհայինների թաքստոցների օդային գնդակոծության
ծրագրերը ԱՄՆ-ը պետք է նախապես համաձայնեցնի Իսլամաբադի
իշխանությունների հետ, սակայն բեն Լադենի դեմ գործողության դեպքում
ամերիկյան ուժերը կկարողանան գործել առանց որեւ թույլատվության: