ԼԻԲԱՆԱՆՈՒՄ ՀԵՌԱՐՁԱԿՈՒՄԸ ԴԱԴԱՐԵՑՐԵԼ ԵՆ ԸՆԴԴԻՄԱԴԻՐ
ՀԵՌՈՒՍՏԱԱԼԻՔՆԵՐԸ
13-05-2008 18:25:00 | Լիբանան | Միջազգային
ԲԵՅՐՈՒԹ, 13 ՄԱՅԻՍԻ, ՆՈՅՅԱՆ ՏԱՊԱՆ: Երեքշաբթի Լիբանանի
հյուսիսում հեռարձակումը դադարեցրել են երեք ընդդիմադիր
հեռուստաալիքներ, հաղորդում է «Նովոստի» գործակալությունը`
վկայակոչելով լիբանանյան «Ալ-Մանար» հեռուստաալիքը:
Նշվում է, որ «Ալ-Մուստակբալ» շարժման կողմնակիցները
դադարեցրել են «Էն-Բի-Էն», «Ալ-Մանար» եւ «Օ-ՏՎ» հեռուստաալիքների
հաղորդումները: Հեռուստաալիքները պատկանում են համապատասխանաբար
շիա մահմեդական «Ամալ», «Հզբոլլահ» եւ «Ազատ հայրենասիրական
շարժմանը»:
«Էն-Բի-Էն»-ի Բեյրութի խմբագրությունում հայտարարել են, որ
իրենց հայտնի չէ հեռարձակման դադարեցման պատճառը, եւ ենթադրել, որ
կարող է անջատված լինել ազդանշանն ընդունող կայանը:
Անցած շաբաթ ընդդիմության զինված ջոկատները գրավել եւ փակել
էին արեւմտյան Բեյրութում գտնվող էլեկտրոնային եւ տպագիր ԶԼՄ-ները,
որոնք պատկանում են խորհրդարանական մեծամասնության առաջնորդ Սաադ
Հարիրիին, ներառյալ մեկ արբանյակային եւ երկու սովորական
հեռուստաալիքներ, մեկ ռադիոկայան եւ «Ալ-Մուստակբալ» թերթը: