«ՇՎԵՅՑԱՐԻԱՅԻՑ ՀՀ ՔԱՂԱՔԱՑԻՆԵՐԻ ՎԵՐԱԴԱՐՁԻ ԱՋԱԿՈՒՄ» ԾՐԱԳՐՈՎ
ՀԱՅԱՍՏԱՆ Է ՏԵՂԱՓՈԽՎԵԼ 21 ԸՆՏԱՆԻՔ
17-10-2007 15:35:00 | Հայաստան | Հասարակություն
ԵՐԵՎԱՆ, 17 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: «Շվեյցարիայից ՀՀ
քաղաքացիների վերադարձի աջակցում» ծրագրով արդեն Հայաստան է
տեղափոխվել 21 ընտանիք` 51 անձ: Այս մասին «ՆՈՅՅԱՆ ՏԱՊԱՆ»-ի
թղթակցին հայտնեց ՀՀ Տարածքային կառավարման նախարարության
Միգրացիոն գործակալության Միգրացիոն ծրագրերի բաժնի գլխավոր
մասնագետ Համբարձում Աբրահամյանը: Նա նշեց, որ ծրագիրն
իրականացվում է շվեյցարական կողմի ֆինանսավորմամբ համաձայն
2004թ.-ին կնքված հուշագրի: Ըստ Հ.Աբրահամյանի, ծրագրի
շրջանակներում վերադարձողներին ցուցաբերվում է առողջապահական,
սոցիալ-հոգեբանական օգնություն, նրանք ապահովվում են աշխատանքով,
իկս դպրոցահասակ երեխաների համար կազմակաերպվում են հատուկ
ուսումնական դասընթացներ: Բիզնես ծրագիր ներկայացնելու դեպքում,
վերադարձողներին տրվում են վարկեր: