ՔԻՇՆԵՎ, 18 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 17-ին Քիշնեւում ավարտվեց խճուղային հեծանվավազքում Մոլդովայի նախագահի գավաթի 4-րդ խաղարկությունը, որին մասնակցեցին 8 երկրների 156 մարզիկներ: Պատանիների 15 կմ անհատական մրցավազքում 2-րդ տեղը գրավեց «Հայաստան» մարզական միության անդամ Սուրեն Պետրոսյանը (Երեւան): Ի դեպ, նա նախորդ տարի նույնպես 2-րդ մրցանակակիրն էր: Երիտասարդների 25 կմ անհատական հեծանվավազքում Արթուր Գրիգորյանը (Երեւան) գրավեց 10-րդ, իսկ Գեւորգ Առաքելյանը (Աբովյան)` 11-րդ տեղը:

---