ՀԱՅԱՍՏԱՆԻ ԴԱՏԱԻՐԱՎԱԿԱՆ ՀԱՄԱԿԱՐԳԻ ԲԱՐԵՓՈԽՄԱՆ ՀԱՄԱՐ ՀԲ-Ն
ՏՐԱՄԱԴՐԵԼ Է 22,5 ՄԼՆ ԴՈԼԱՐԻ ՎԱՐԿ
09-03-2007 20:20:00 | Հայաստան | Հասարակություն
ԵՐԵՎԱՆ, 9 ՄԱՐՏԻ, ՆՈՅՅԱՆ ՏԱՊԱՆ: Հայաստանի դատաիրավական
համակարգի բարեփոխման համար Համաշխարհային բանկը տրամադրել է 22,5
մլն ԱՄՆ դոլարի վարկ, որի վերաբերյալ պայմանագիրը մարտի 9-ին
ստորագրեցին ՀՀ ֆինանսների եւ էկոնոմիկայի նախարար Վարդան
Խաչատրյանը եւ ՀԲ-ի Երեւանի գրասենյակի տնօրենի պաշտոնակատար Նաիրա
Մելքումյանը: Վարկը տրամադրվում է 20 տարի մարման ժամկետով, որից
առաջին 10 տարին արտոնյալ, 0,75% տոկոսադրույքով:
Վ.Խաչատրյանը նշեց, որ բացի այդ գումարից եւս 3 մլն դոլարի
դրամաշնորհ կտրամադրի Ճապոնիայի կառավարությունը: Ըստ նախարարի,
ծրագրի նպատակն է նպաստել երկրի դատաիրավական համակարգում
վարչարարության բարելավմանը, որակյալ ենթակառուցվածքների
ձեւավորմանը: Ծրագրի շրջանակներում կավարտվեն մարզերում
դատարանների մեծ մասի վերանորոգման աշխատանքները, ինչպես նաեւ
կսկսվի ՀՀ Վճռաբեկ դատարանի նոր շենքի շինարարությունը: