ԵՐԵՎԱՆ, 5 ՄԱՐՏԻ, ՆՈՅՅԱՆ ՏԱՊԱՆ: Սպարապետ Վազգեն Սարգսյանի 50-ամյակի կապակցությամբ մարզական միջոցառումներ անցկացվեցին Երեւանում: Մարտի 5-ին արցախյան ազատամարտում զոհված Ֆիզիկական կուլտուրայի հայկական պետական ինստիտուտի շրջանավարտների հիշատակը հավերժացնող կոթողին ծաղկեպսակ դրեց բուհի պրոֆեսորադասախոսական կազմը եւ ուսանողությունը: Նույն բուհն է 1979 թվականին ավարտել Վազգեն Սարգսյանը` ստանալով ֆուտբոլի մարզիչ-մանկավարժի որակավորում: Սպարապետի հիշատակը հավերժացրին նաեւ ծանրամարտի եւ ֆուտբոլի հանրապետական պատանեկան մրցաշարերի մասնակիցները:

---