ՀԱՅԱՍՏԱՆԻ 14 ՄԱՐԶԻԿՆԵՐ ՄԱՍՆԱԿՑՈՒՄ ԵՆ ԻՐԱՆՈՒՄ ԱՆՑԿԱՑՎՈՂ
ԱՎԱՆԴԱԿԱՆ ՄՐՑՈՒՄՆԵՐԻՆ
07-02-2005 17:30:00 | Հայաստան | Սպորտ
ԵՐԵՎԱՆ, 7 ՓԵՏՐՎԱՐԻ, ՆՈՅՅԱՆ ՏԱՊԱՆ: Հայաստանի 14
թեթեւատլետներ են մասնակցում Իրանում փետրվարի 7-8-ին անցկացվող
միջազգային մրցումներին: «Արեւածագի 10 օրը» անվանումը կրող
ավանդական մրցումներում, որոնք նվիրված են Իսլամական հեղափոխության
տարեդարձին, Հայաստանի մարզիկները հանդես կգան հիմնականում
վազքային եւ ցատկային մրցաձեւերում: Մարզիչները առավել մեծ հույսեր
են կապում 9 մարզուհիների հետ, որոնք վերջերս Թեհրանում անցկացված
խոշոր մրցումներում 12 մեդալ են նվաճել (6 ոսկե, 1 արծաթե, 5
բրոնզե): Ընդ որում, այդ մրցումներից հետո հայաստանցի մարզուհիները
մնացել էին Իրանում եւ տեղի թեթեւատլետների հետ համատեղ
ուսումնամարզումային հավաք անցկացրել: