ԲՐՅՈՒՍԵԼՈՒՄ ԲԱՑՎԵԼ Է «ԲԱՑԱՀԱՅՏԻՐ ՀԱՅԱՍՏԱՆԸ» ԽՈՐԱԳՐՈՎ
ՑՈՒՑԱՀԱՆԴԵՍ
18-01-2005 14:15:00 | Բելգիա | Մշակույթ
ԲՐՅՈՒՍԵԼ, 18 ՀՈՒՆՎԱՐԻ, ՆՈՅՅԱՆ ՏԱՊԱՆ: Բրյուսելի Գանշորեն
համայնքի մշակույթի տանը հունվարի 14-ին բացվել է հայ
արվեստագետների ցուցահանդես` «Բացահայտիր Հայաստանը» խորագրով:
Ինչպես «ՆՈՅՅԱՆ ՏԱՊԱՆ»-ին հայտնում են ՀՀ ԱԳՆ մամուլի եւ
տեղեկատվության վարչությունից, ցուցահանդեսին, որ տեւելու է մինչեւ
հունվարի 23-ը, ներկայացված են նկարիչներ Լեւոն Աղայանի, Ավետիս
Բալայանի եւ Սամոյի նկարները, ինչպես նաեւ Մարիամ Գրիգորյանի եւ
Սուրեն Օհանյանի քանդակները:
Ցուցահանդեսի պաշտոնական բացման արարողությունից հետո հայ
հեղինակների ստեղծագործությունների կատարումներով է հանդես եկել
բելգիացի երգչուհի Սոֆի Սերվեն: