ԵՐԵՎԱՆ, 13 ԴԵԿՏԵՄԲԵՐ, ՆՈՅՅԱՆ ՏԱՊԱՆ: Տիգրան Պետրոսյանի անվան
Հայաստանի շախմատիստի կենտրոնական տանն անցկացվեց Երեւանի կրկնակի
չեմպիոն Ռուբեն Սիմոնյանի հիշատակին նվիրված մրցաշար, որին
մասնակցեցին 35 շախմատիստներ:
Շվեյցարական խաղակարգով անցկացված մրցաշարի 9 հանդիպումնրում
վաստակելով 7,5 միավոր` 1-ին տեղը գրավեց պատանի շախմատիստ Լեւոն
Բաբուջյանը: Նրա բաժին հասավ գլխավոր մրցանակը` 2005թ.
փետրվարին Մոսկվայում կայանալիք խոշոր միջազգային մրցաշարի`
«Աերոֆլոտ-օփեն»-ի ուղեգիրը: Հուշմրցաշարում 2-րդ տեղը գրավեց
Դավիթ Պետրոսյանը, 3-րդ` Գեւորգ Հարությունյանը. 2-ն էլ վաստակեցին
7 միավոր: 4 մասնակիցներ` Զավեն Անդրեասյանը, Վահրամ Մեժլումյանը,
Սիմոն Մկրտչյանը եւ Հրանտ Մելքումյանը, 6-ական միավորով բաժանեցին
4-7-րդ տեղերը: 2-7-րդ տեղերը գրաված շախմտիստներն արժանացան
կազմակերպիչների սահմանած պարգեւավճարներին: