ՀՀ սփյուռքի նախարար Հրանուշ Հակոբյանն ընդունեց ճանաչված նկարչուհի Միլանդա դե Մոնդին (Գրիգորյան), ով նախարարին ներկայացրել է իր ստեղծա•ործական ուղին: Միլանդա դե Մոնդը ծնվել է Պարսկաստանի Աբադան քաղաքում: Հայկական ընտանիքում ծնված եւ մեծացած աղջնակն իր սկզբնական ուսումը ստացել է քաղաքի հայոց դպրոցում, ապա տասնամյա Միլանդան ծնողների հետ տեղափոխվել է Ավստրալիա՝ Սիդնեյ: Ավարտել է Սիդնեյի ազգային դպրոցն ու արվեստի քոլեջը: Նկարել սկսել է 5 տարեկանից: Միլանդա դե Մոնդի կտավները ցուցադրվել են Նյու Յորքում, Ճապոնիայում, Գերմանիայում, Ավստրիայում, Ավստրալիայում, Հայաստանում կազմակերպված անհատական եւ խմբային ավելի քան 60 ցուցահանդեսներում: Նրա նկարները զարդարում են համաշխարհային ճանաչում ունեցող հավաքածուները: Այժմ էլ հրավիրված է մասնակցելու դեկտեմբերի 3-11-ին Իտալիայում կայանալիք Ժամանակակից արվեստի միջազգային ցուցահանդեսին։

---