ԹԵԼ ԱՎԻՎ, 11 ՀՈՒՆՎԱՐԻ, ՆՈՅՅԱՆ ՏԱՊԱՆ: ԱՄՆ-ի նախագահ Ջորջ
Բուշը Իսրայելում իր այցի եզրափակիչ օրն սկսել է այցելությամբ
Երուսաղեմի Յադ վա-Շեմ հուշահամալիր` աշխարհահռչակ թանգարան,
հետազոտական կենտրոն եւ միլիոնավոր հրեաների հուշարձան, ովքեր
զոհվել են Երկրորդ համաշխարհային պատերազմի տարիներին նացիստների
ձեռքով:
Ինչպես հաղորդում է «Նովոստի» գործակալությունը, կեսօրից հետո
Սպիտակ տան ղեկավարը Դավիթ Բեն-Գուրիոնի միջազգային օդանավակայանից
կթռչի Քուվեյթ` շարունակելով ուղեւորությունը Մերձավոր Արեւելքի
երկրներ: Բուշը կլինի Բահրեյնում, Արաբական Միավորված
Էմիրություններում, Սաուդյան Արաբիայում եւ Եգիպտոսում: