Անգլիայի հավաքականի նախկին ֆուտբոլիստ Մայքլ Օուենը համաձայնել է երկարացնել իր պայմանագիրը անգլիական Մանչեսթեր Յունայթեդի հետ եւս մեկ տարով: Խոսակցություններ կային, թե անգլիացին այս ամառ կլքի Օլդ Տրաֆորդը` 2 ոչ այնքան հաջող տարիներ անցկացնելու եւ հիմնական կազմում չընգրկվելու պատճառով։ Սակայն 31-ամյա ֆուտբոլիստը բազմիցս հայտարարել է Մանչեսթերում մնալու ցանկության մասին: «Ես շատ գոհ եմ այս որոշման համար: Այսպիսի բացառիկ մարզիչի գլխավորությամբ խաղալ այս հրաշալի ֆուտբոլիստների հետ` ինձ համար իսկական ոգեշնչում է: Անհամբեր սպասում եմ հաջորդ մրցաշրջանի սկսելուն»,- ասել է Օուենը: Մանչեսթեր Յունայթեդի գլխավոր մարզիչ Սըր Ալեքս Ֆերգյուսոնը խոստացել է հարձակվողին ավելի շատ հնարավորություններ տալ մյուս մրցաշրջանում:

---