Տեղեկացնում ենք, որ Ձեր տարածած` Սամբոյի աշխարհի գավաթի 2012 թվականի առաջին փուլ` Ղազախստանի Նախագահ Նազարբաեւի անունը կրող մրցաշարում 82 կգ քաշային կարգում հանդես եկող Աշոտ Դանիելյանը եւ ռուսաստանցի Սերգեյ Կիրյուխինը պարգեւատրվել են բրոնզե մեդալներով: Նրանց (ինչպես նաեւ բոլոր քաշային կարգերում բրոնզե մեդալներ նվաճած մարզիկների) միջեւ կայացած լրացուցիչ գոտեմարտը ունեցել է միայն ռեյտինգային միավորներ հավաքելու նպատակ, եւ որում էլ Կիրյուխինը վաստակեց լրացուցիչ միավորներ: Նշենք, որ աշխարհի գավաթակիր է հռչակվում 4 փուլերի ընդհանուր արդյունքով առավելագույն քանակի միավորներ վաստակած սամբիստը: Ըստ Հայաստանի սամբոյի ֆեդերացիայի մամուլի ծառայության մամլո հաղորդագրության, Դավիթ Գրիգորյանը պայքարելով նաեւ 90 կգ. քաշային կարգում, մեկ հաղթանակով գրավել է 5-8 տեղը:

---