Մեկնարկել է ՀՀԿ մարզերի երիտասարդական կազմակերպությունների ֆուտբոլի գավաթի մրցաշարը՝ նվիրված Շուշիի ազատագրման 20-ամյակին
01-10-2012 17:02:15 | Հայաստան | Սպորտ
Հայաստանի հանրապետական կուսակցության երիտասարդական կազմակերպության նախաձեռնությամբ մեկնարկել է ՀՀԿ մարզերի երիտասարդական կազմակերպությունների ֆուտբոլի գավաթի մրցաշարը՝ նվիրված Շուշիի ազատագրման 20-ամյակին:
Սեպտեմբերի 30-ին տեղի ունեցան միջմարզային առաջին խաղերը. Կապան-Եղեգնաձոր խաղն ավարտվեց 0:1, իսկ Սպիտակ-Գյումրին՝ 1:1 հաշվով:
Մրցաշարը տեւելու է մինչեւ նոյեմբեր, եւ միմյանց հետ մրցելու են ներմարզային առաջնությունում հաղթած մեկական թիմեր:
Ֆուտբոլի գավաթի մրցաշարն ավանդական բնույթ է կրում, եւ նպատակն է բարձրացնել ՀՀԿ մարզային երիտասարդական կառույցների ակտիվությունը, ինչպես նաեւ՝ երիտասարդության շրջանում քարոզել առողջ ապրելակերպ:
ՀՀԿ երիտասարդական կազմակերպություն