Արցախի Հանրապետության արտաքին գործերի նախարարության 20-ամյակին նվիրված միջոցառումների շրջանակներում Նախագահ Բակո Սահակյանը հուլիսի 18-ին հանդիպում է ունեցել ԱԳՆ կենտրոնական ապարատի եւ արտերկրում մշտական ներկայացուցչությունների պատասխանատու աշխատողների հետ:
Հանդիպման ընթացքում երկրի ղեկավարն անդրադարձել է հանրապետության արտաքին քաղաքական օրակարգին, առկա խնդիրներին, կատարվող աշխատանքների արդյունավետության բարձրացմանը եւ այլ հիմնախնդիրների:
Կարեւորելով ակտիվ ու նախաձեռնողական արտաքին քաղաքականություն վարելու հրամայականը՝ Նախագահ Սահակյանը կոնկրետ հանձնարարականներ է տվել աշխատանքների պատշաճ իրականացման ուղղությամբ:
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ
ՏԵՂԵԿԱՏՎՈՒԹՅԱՆ ԳԼԽԱՎՈՐ ՎԱՐՉՈՒԹՅՈՒՆ