Ռուսաստանում ընդդեմ ՆԱՏՕ-ի կստեղծվեն նոր ստորաբաժանումներ
04-05-2016 19:44:55 | Ռուսաստան | Միջազգային
Ռուսաստանի Պաշտպանության նախարար Սերգեյ Շոյգուն հաղորդել է, որ ռուսական սահմաններին ՆԱՏՕ-ի ուժերի տեղակայմանը հակազդելու համար ստեղծվելու են երեք նոր ստորաբաժանումներ. Երկուսը` Արևմտյան ռազմական օկրուգում, մեկը` Հարավայինում: korrespondent.net-ի փոխանցմամբ` Ս. Շոյգուն նշել է, որ ներկա պահին ընթանում են այդ միավորումների տեղակայման վայրերի բարեկարգում:
«Խոսքը վերաբերում է մոդուլային կոնստրուկցիաներին: Մոդուլների զանգվածային արտադրության և մատակարարման տեխնոլոգիան թույլ է տալիս շինությունը կառուցել առավելագույնը երեքից չորս շաբաթվա ընթացքում»,- տեղեկացրել է ՌԴ ՊՆ նախարարը:
Վերջինս նշել է, որ անհրաժեշտության դեպքում շինությունը հնարավոր է օպերատիվ կերպով հավաքել և տեղափոխել նոր վայր: Միևնույն ժամանակ նույն օպերատիվությամբ կարգավորվում է ամբողջ համակարգը, այդ թվում նաև կաթսայատները:
Այսօր տեղեկացվել էր, որ ԱՄՆ-ն մտադիր է մեծացնել իր ռազմական ներկայությունը Եվրոպայում մոտ ապագայում «Ռուսաստանին զսպելու» համար:
ՀԱՅԵՐԵՆ
Русский
English
Դաս. հայերեն
French
