Աֆղանստանի հյուսիս-արևմուտքում թալիբների դեմ ռազմական գործողություններ են սկսվել
14-06-2016 11:27:38 | Աֆղանստան | Հասարակություն
Աֆղանստանի նախագահի առաջին տեղակալ, Աֆղանստանի ազգային իսլամական շարժման առաջնորդ, գեներալ Աբդուլռաշիդ Դուստումը գլխավորում է Շեբերգան քաղաքի ծայրամասերում «Թալիբան»-ի գրոհայինների դեմ սկսված ռազմական գործողությունները: Interfax.ru-ի փոխանցմամբ` ցամաքային և օդային ուժերի օգտագործմամբ երկուշաբթի սկսված գործողությունները շարունակվելու են մինչև շաբաթվա վերջ:
Դուստումի շտաբի տվյալներով` գործողությունների առաջին օրվա արդյունքներով` զոհվել է 15 գրոհային, 7-ը` վիրավորվել են, իսկ 16-ը գերեվարվել են: «Թալիբները խնդրել են դադարեցնել կրակը: Մենք կողմ են արյունահեության դադարեցման գաղափարին, բայց կրակի դադարեցումը պետք է լինի երկու կողմից»,- հայտարարել է Դուստումը տեղի ԶԼՄ-ներին տված հարցազրույցում:
Վերջինիս գրասենյակից տեղեկացրել են, որ Ջաուզջանում գործողությունների ավարտից հետո նա մտադիր է Սարի Պաուլում ևս նոր ռազմական գործողություններ սկսել գրոհայինների դեմ:
ՀԱՅԵՐԵՆ
Русский
English
Դաս. հայերեն
French
