Կրասնոդարի հայ երիտասարդները օգնություն են հավաքում արցախցի
իրենց հասակակցի համար
21-10-2009 17:15:00 | Ռուսաստան | Հասարակություն
ԿՐԱՍՆՈԴԱՐ, 23 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Հերթական երիտասարդական երեկույթը, որ կազմակերպում է Կրասնոդարում
գործող «Նոր հայեր» ստեղծագործական միավորումը, կկայանա հոկտեմբերի
30-ին «Քրիստափոր Կոլումբոս» թատրոն-կաբարեում եւ բարեգործական
բնույթ ունի: Ինչպես հաղորդում է Ռուսաստանի հայերի «Երկրամաս»
թերթը, հայ երիտասարդական երեկույթների կազմակերպիչները որոշել են
արձագանքել արցախցի Նարա Սարգսյանի բուժման համար միջոցների
հանգանակմանն ուղղված հայկական ինտերնետ-համայնքի նախաձեռնությանը:
25-ամյա Նարա Սարգսյանը մոր հետ ապրում է Արցախում, Մարտունի
քաղաքում: Ընտանիքը ապրում է առանց հոր, որ մահացել է 20 տարի
առաջ: Ահա արդեն 7 տարի է, ողնաշարի կոտրվածքի պատճառով, Նարան
գամված է հաշմանդամի սայլակին: Աշխարհի առաջատար կլինիկաներից
մեկը` Werner Wicker Klinik (Գերմանիա), համաձայնել է օգնել
Նարային եւ բուժումից հետո աղջիկը կկարողանա ոտքի կանգնել: Սակայն
բուժման համար անհրաժեշտ են զգալի միջոցներ, որ Նարայի ընտանիքը
չունի:
«Նոր հայեր» ստեղծագործական միավորումը դիմում է Կրասնոդարի
հայ երիտասարդությանը իրենց արցախցի հասակակցին օգնելու կոչով: