ՎԱՐՇԱՎԱ, 27 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 18-26-ին Լեհաստանի մայրաքաղաք Վարշավայում անցկացված Նայդորֆի միջազգային հուշամրցաշարին մասնակցեցին 98 շախմատիստներ: 9 հնարավորից 7 միավոր վաստակեց եւ մրցաշարի հաղթող ճանաչվեց Մաքսիմ Մատլյակովը: Հայաստանցի շախմատիստներ Զավեն Անդրիասյանը 6,5 միավորով բաժանեց 2-7-րդ տեղը (գործակիցներով երկրորդն էր), իսկ Հրանտ Մելքումյանը 6 միավորով կիսեց 8-12-րդ տեղերը:

---