Հյութ-մարդասպաններ. ինչո՞վ են վտանգավոր քաղցր ըմպելիքները

22-03-2018 16:25:23 | | Գիտություն եւ տեխնոլոգիաներ

45 տարեկանից բարձր մարդիկ, ովքեր հաճախ են օգտագործում մեծ քանակությամբ քաղցր ըմպելիքներ, այդ թվում մրգային հյութեր և գազավորված խմիչքներ, հակված են մահանալ սիրտ-անոթային և այլ հիվանդություններից:

Gazeta-ի փոխանցմամբ՝ այդպիսի եզրահանգման են եկել մի խումբ գիտնականներ, ովքեր իրենց հետազոտությունների նախնական արդյունքները ներկայացրել են սրտային հիվանդությունների հետազոտմամբ զբաղվող Ամերիկյան ասոցիացիայի հետ հանդիպման ժամանակ:

Ավելի վաղ կատարված հետազոտությունները ցույց են տվել, որ սննդակարգում մեծ քանակությամբ շաքարավազի օգտագործումը հանգեցնում է ոչ միայն ճարպակալության, այլև տարբեր խրոնիկ հիվանդությունների առաջացման:

Նշվում է, որ հետազոտության ընթացքում ուսումնասիրվել է գրեթե 18 հազար 45 տարեկանից բարձր մարդկանց տվյալները:

Վեց տարիների ընթացքում հետազոտության մասնակիցները հարցաշարեր են լրացրել, որոնցում նշել են, թե ինչպիսի հաճախականությամբ են օգտագործում մեծ քանակությամբ շաքարավազ պարունակող հյութեր, գազավորված ըմպելիքներ, թխվածքներ, կոնֆետներ և չոր մթերքներ:

Գիտնականները կենտրոնացել են հետազոտության մասնակիցների մահվան պատճառների վրա՝ հատուկ ուշադրություն դարձնելով սրտային պրիստուպներին, անբավարարությանը և այլ հիվանդացություններին:

Պարզվել է, որ հետազոտության մասնակիցների մեկ չորրորդ մասի մոտ, որոնք ամեն օր օգտագործել են ավելի քան 700 գրամ քաղցր ըմպելիքներ, ավելի մեծ է սիրտ-անոթային հիվանդություններից մահանալու վտանգը, քան նրանց մոտ, ովքեր սննդակարգում գրեթե չեն օգտագործում քաղցր հյութեր:

Նոյյան տապան - Գիտություն եւ տեխնոլոգիաներ