Սմբատ Մարգարյանը ոսկե մեդալ նվաճեց Եվրոպայի ծանրամարտի
երիտասարդական առաջնությունում
29-07-2009 19:40:00 | Շվեդիա | Սպորտ
ԼԱՆԴՍԿՐՈՒՆԱ, 29 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 28-ին
Շվեդիայի Լանդսկրունա քաղաքում մեկնարկել է Եվրոպայի ծանրամարտի
երիտասարդական առաջնությունը: Հայաստանի պատվիրակներից առաջինը
մրցահարթակ ելավ Սմբատ Մարգարյանը (56 կգ, Երեւան): Նա երկամարտի
237 կգ (104 կգ + 133 կգ) արդյունքով գրավեց 1-ին տեղը եւ
արժանացավ ոսկե մեդալի: Նույն արդյունքով 2-րդ տեղը գրավեց
անձնական քաշով ավելի ծանր բուլղարացի Ֆերդի Նազիֆը:
Ռուբեն Մամոյանը (62 կգ, Էջմիածին) 265 կգ (120 կգ + 145 կգ)
արդյունքով 2-րդ տեղը գրավեց եւ արծաթե մեդալի արժանացավ: Իսկ 1-ին
տեղը գրավեց Դիմիտրի Մինացիդիսը: