Կստորագրվի Հայաստանի եւ Ռուսաստանի գլխավոր
դատախազությունների 2009-2011թթ. համագործակցության մասին հուշագիր
11-02-2009 19:10:00 | Հայաստան | Քաղաքական
ԵՐԵՎԱՆ, 11 ՓԵՏՐՎԱՐԻ, ՆՈՅՅԱՆ ՏԱՊԱՆ: ՀՀ գլխավոր դատախազ Աղվան
Հովսեփյանի հրավերով, փետրվարի 12-13-ին աշխատանքային այցով
Հայաստանում կգտնվի Ռուսաստանի Դաշնության գլխավոր դատախազ Յուրի
Չայկան: Այս մասին «ՆՈՅՅԱՆ ՏԱՊԱՆ»-ին հայտնեց ՀՀ գլխավոր դատախազի
մամուլի քարտուղար Սոնա Տռուզյանը:
ՀՀ եւ ՌԴ գլխավոր դատախազների հանդիպմանը կքննարկվեն 2006թ.-ի
սեպտեմբերին ստորագրված համաձայնագրի շրջանակներում երկու երկրների
դատախազության մարմիների փոխգործակցության, այդ թվում` կոնկրետ
քրեական գործերով հանձնման եւ իրավական օգնություն ցուցաբերելու
հարցեր: Նախատեսվում է, որ Ա.Հովսեփյանը եւ Յու.Չայկան կստորագրեն
ՀՀ եւ ՌԴ դատախազությունների 2009-2011թթ. համագործակցության
հիմնական ուղղությունների մասին հուշագիր: