Տնտեսական ճգնաժամի պատճառով նվազելու են Հայաստան ուղարկվող
դրամական փոխանցումները,- խոստովանում է ՀՀ ֆինանսների փոխնախարարը
18-12-2008 15:30:00 | Հայաստան | Տնտեսություն
ԵՐԵՎԱՆ, 18 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Համաշխարհային
տնտեսական ճգնաժամի բացասականմ հետեւանքները Հայաստանի
սոցիալ-տնտեսական վրա վիճակի վրա ազդելու է առաջին հերթին հումքի
թանկացման պատճառով: Այս մասին դեկտեմբերի 18-ին «Նովոստի-Արմենիա»
տեղեկատվական կենտրոնում կազմակերպված միջազգային
հեռուստակամուրջում հայտարարեց ՀՀ ֆինանսների փոխնախարար Վարդան
Արամյանը, հավելելով, որ ճգնաժամի արդյունքում սպասվող մյուս
ցավալի տեղաշարժը աշխարհում ապրանքների եւ ծառայությունների գների
անկումն է լինելու, որի պատճառով տուժելու է Հայաստանից
արտահանումը: Եվ վերջապես, ինչպես նշեց Վ.Արամյանը, Հայաստանի
ժողովրդի համար ճգնաժամը վտանգավոր կլինի այն պատճառով, որ էապես
կնվազեն դրսից ուղարկվող ֆինանասական տրանսֆերտները:
Բլեյզերի միջազգային հիմնադրամի տնօրենի տեղակալ, ուկրաինացի
Օլեգ Ուստենկոյի դիտարկմամբ, համաշխարհային տնտեսական ճգնաժամը,
բացի բացասականից, կբերի նաեւ դրական փոփոխություններ: Այդ
փոփոխություններից ամենաէականը, ըստ նրա, այն է, որ կհարթվի
տնտեսական անհավասարակշռությունը ԱՊՀ անդամ երկրների միջեւ: Իսկ
ճգնաժամի բացասական հետեւանքները նշված երկրներում արձանագրվելու
են հատկապես բանկային համակարգում: Պետությունը, Օ.Ուստենկոյի
խոսքերով, պետք է առաջին հերթին պաշտպանի հարկ մուծողներին,
հասարակության խոցելի խմբերին եւ դեպոզիտարիաներին:
Մոլդովայի էկոնոմիկայի փոխնախարար Յուրի Մունտիայի կրծիքով,
իրենց երկրում տնտեսական ճգնաժամին դիմակայելու հարցում մեծ դեր է
ունենալու կառավարության որդեգրած` տնտեսության ազատականացման
քաղաքականությունը: Իսկ Ռուսաստանի գիտություների ակադեմիայի
էկոնոմիկայի ինստիտուտի սոցիալական քաղաքականության կենտրոնի
ղեկավար Եվգենի Գոնտմախերը հայտարարեց, որ իր երկրում
համաշխարհային ճգնաժամի հետեւանքները մեղմելու նպատակով որոշվել է
հնարավորություն տալ հիպոթեքային վարկ վերցրած անձանց, չխլել նրանց
վերցրած բնակարանները, մինչեւ նրանք մուծեն դրանց արժեքը: Սակայն
ամեն դեպքում, ըստ նրա, անխուսափելի է մեծ թվով գործազուրկների ի
հայտ գալը: