Կարո՞ղ է հայկական դիվանագիտությունը Բաքու-Ստեփանակերտ երկխոսության անհրաժեշտություն առաջացնել

22-03-2022 16:10:54 | Հայաստան | Մեկնաբանություն

Քաղաքագետ Սուրեն Սուրենյանցը գրում է.

Մեր դիրքորոշումը այն է, որ մեզ փոխանցված ադրբեջանական առաջարկներում մեծ հաշվով անընդունելի ոչինչ չկա. ասել է ՀՀ ԱԳ նախարար Արարատ Միրզոյանը։

«Այլ բան է, որ այդ հարցերը ամբողջապես չեն հասցեագրում ՀՀ–Ադրբեջան համապարփակ խաղաղության օրակարգը։ Մեր պատասխաններում սկզբունքային ենք համարում ԼՂ հայության իրավունքները և ԼՂ կարգավիճակի հասցեագրումը»,- ասել է Միրզոյանը։

Գիտեմ, որ Միրզոյանին այս բառերի համար անարգանքի սյունին են գամելու, բայց ԱԳ նախարարը, այս դրվագում, սկզբունքորեն չի սխալվում։

Բաքվի 5 առաջարկությունները շատ գրագետ են ձևակերպված` միջազգային իրավունքի ու ընկալման տեսանկյունից։

Ըստ այդմ, Հայաստանի ԱԳ նախարարն այլ բան չէր էլ կարող ասել:

Այլ խնդիր է, որ, օրինակ, Ադրբեջանի "քաղաքական ինքնիշխանության" ճանաչման թեզը(Ադրբեջանի 5 պահանջներից մեկն է) ու Արցախի ինքնորոշման իրավունքը որոշակի "բախման" մեջ են, բայց նաև դաշտ են բացում Բաքու- Ստեփանակերտ երկխոսության համար։

Կարո՞ղ է հայկական դիվանագիտությունը Բաքու- Ստեփանակերտ երկխոսության անհրաժեշտություն առաջացնել, թե՞ բոլոր հարցերի "փաթեթային" պատասխանները տալու է Հայաստան- Ադրբեջան ենթադրյալ խաղաղության պայմանագիրը։

Նոյյան տապան - Մեկնաբանություն