Ադրբեջանն աջակցում է Հայաստանի հետ խաղաղության պայմանագրի ստորագրմանը. Ալիև
13-11-2023 15:30:25 | Հայաստան | Ի՞նչ է գրում մամուլը
Հայկական ժամանակ. Ադրբեջանը Հարավային Կովկասում կայուն խաղաղության կողմնակից է և աջակցում է տարածաշրջանային խաղաղության օրակարգին, հարաբերությունների կարգավորմանը և Հայաստանի հետ խաղաղության պայմանագրի ստորագրմանը։
Այս մասին նոյեմբերի 13-ին հայտարարել է ԱՀ նախագահ Իլհամ Ալիևը՝ ընդունելով ԵԱՀԿ Խորհրդարանական վեհաժողովի նախագահ Պիա Կաումային։
Ալիևը նշել է, որ ներկայումս տարածաշրջանում խաղաղության օրակարգի համար շատ լավ հնարավորություններ կան։
Նա հայտարարել է, թե 44-օրյա Հայրենական պատերազմից հետո հենց Ադրբեջանն է հանդես եկել խաղաղության պայմանագրի նախաձեռնությամբ և դրա հիմքում ընկած սկզբունքներով։