Վիճակը կառավարելի է, որևէ բռնկում, շեղում չունենք. Ավանեսյանը՝ աղետի գոտու համաճարակային իրավիճակի մասին

06-06-2024 14:40:10 | Հայաստան | Ի՞նչ է գրում մամուլը

1lurer. Ամենօրյա աշխատանք է արվում, ջրի հետազոտություններ և բակային այցեր են իրականացվում՝ հասկանալու համար, թե մաքրման աշխատանքներից հետո ինչ ռիսկեր կան: Այդ մասին Կառավարության ճեպազրույցների ժամանակ ասաց ՀՀ առողջապահության նախարար Անահիտ Ավանեսյանը՝ անդրադառնալով Լոռու և Տավուշի մարզերում տեղի ունեցած ջրհեղեղից հետո համաճարակային իրավիճակին:

«Այս պահի դրությամբ վիճակը կառավարելի է, որևէ բռնկում, որևէ շեղում չունենք: Շարունակվելու են կանխարգելիչ աշխատանքները, որպեսզի պատկերը նույնական մնա»,- ասաց Ավանեսյանը:

Նախարարը նաև ասաց, որ այցելել է երկու մարզեր և արձանագրել, որ թիմը միասնական աշխատում է, և եզրակացրեց՝ դա է պատճառը, որ առողջական վիճակի հետ կապված խնդիրեներ չկան:

«Համակարգը պատրաստ է, եթե ունենանք ինֆեկցիաներ կամ որևէ այլ խնդիր, համակարգը բերված է պատշաճ մակարդակի,- ասաց նա, ապա, աղետի հետևանքով Ալավերդիում անկած կենդանիների համատեքստում, հավելեց,- ցանկացած ինֆեկցիաների բռնկման ռիսկ կա հիպոթետիկ, բայց պետք է կանխարգելիչ աշխատանքներով զրոյացնել ռիսկերը»:

Հեղինակ`Լուսինե Մուրադյան

Նոյյան տապան - Ի՞նչ է գրում մամուլը

Կարդացել են 851 անգամ

Վիճակը կառավարելի է, որևէ բռնկում, շեղում չունենք. Ավանեսյանը՝ աղետի գոտու համաճարակային իրավիճակի մասին

Noyan Tapan TV