Բաքուն Երևանին առաջարկել է խաղաղության հաստատման օրակարգ. Բայրամով
24-09-2024 13:46:40 | Հայաստան | Ի՞նչ է գրում մամուլը
Հայկական ժամանակ. Ադրբեջանի արտաքին գործերի նախարար Ջեյհուն Բայրամովը ելույթ է ունեցել ՄԱԿ-ի Գլխավոր վեհաժողովի 79-րդ նստաշրջանի շրջանակում «Ապագայի գագաթնաժողովում»:
Նա հայտարարել է, թե Բաքուն Երևանին առաջարկել է խաղաղության հաստատման օրակարգ՝ հիմնված Ադրբեջանի և Հայաստանի միջև ինքնիշխանության և տարածքային ամբողջականության փոխադարձ ճանաչման և հարգանքի վրա:
«Մենք կոչ ենք արել վերացնել մնացած խոչընդոտները և ընդգծել այդ նպատակին հասնելու համար քաղաքական կամքի և պատասխանատվության կարևորությունը»,- ասել է Բայրամովը:
Ադրբեջանի ԱԳ նախարարի խոսքով՝ իրենք լիովին աջակցում են գագաթնաժողովի՝ միջազգային իրավունքի նորմերի խիստ պահպանման կոչին:
ՀԱՅԵՐԵՆ
Русский
English
Դաս. հայերեն
French
